<몽골어> БНСУ-ын Үндэсний Тэтгэлэг 400мянган воноор нэмэгдэнэ...

БНСУ-ын Боловсролын Яам болон БНСУ-ын Тэтгэлгийн Сангаас 2025 оны хичээлийн жилийн 2-р улирлын Үндэсний Тэтгэлгийн анхны шатны өргөдлийг 6-р сарын 23-ны 18:00 цаг хүртэл хүлээн авна.

Үндэсний тэтгэлэг нь бүх оюутан их, дээд боловсрол эзэмших боломжтой байх зорилгоор, сарын орлогын тодорхой түвшнээс доогуур байгаа их сургуулийн оюутнууд дундаас сурлагын шаардлагыг хангасан хүмүүст төрөөс олгодог орлоготой уялдсан тэтгэлэг юм.

Тэр дундаа, 2025 оны хоёрдугаар улирлаас эхлэн Засгийн газар Үндэсний тэтгэлгийн дээд хэмжээний дэмжлэгийг 400,000 воноор нэмэгдүүлсэн байна.

Энэ жил Үндэсний тэтгэлэг хэр их олгох вэ?

БНСУ-ын  Үндэсний тэтгэлгийн систем нь гэр бүлийн орлогын түвшинээр хамгийн өндөр орлоготой 10-р шатнаас хамгийн бага орлоготой 1-р шатлал хүртэлх 10 шатлалаар дэмжлэг үзүүлнэ.

Энэ оны 2-р улирлаас эхлэн БНСУ-ын Засгийн газар Үндэсний тэтгэлэг Ⅰ-р төрөл болох 3 болон түүнээс дээш хүүхэдтэй олон хүүхэдтэй гэр бүлд зориулсан тэтгэлгийн хэмжээг дараах байдлаар нэмэгдүүлэхээр болсон байна.

1~3-р шат 300,000 вон (Олон хүүхэдтэй гэр бүлд 400,000 вон ),

4~6-р шат нь 200,000 вон (Олон хүүхэдтэй гэр бүлд 250,000 вон),

7~8-р шат нь 100,000 вон (Олон хүүхэдтэй гэр бүлд 150,000 вон) нэмэгдүүлэхээр болсон. Харин 9-р шат нь Энэ жилээс анх удаа тэтгэлэг олгохоор болсон бол

10-р шат нь Тэтгэлэг олгохгүй байна. 

Мөнгө нэмэгдсэнтэй холбоотойгоор энэ жил олгогдох Үндэсний Тэтгэлгийн хэмжээг харвал, Нэн ядуу бүлгийн болон ядуурлын ирмэгт байгаа оюутнууд бүрэн тэтгэлэг авна. 1~3-р шатны оюутнууд 5,850,000 төгрөгийн тэтгэлэг авна. 4~6-р шатны оюутнууд 4,300,000 төгрөгийн тэтгэлэг авна. 7~8-р шатны оюутнууд 3,550,000 төгрөгийн тэтгэлэг авна. 9-р шатны оюутнууд 1,000,000 төгрөгийн тэтгэлэг авна.

Нөгөөтэйгүүр, Боловсролын яам нь нэн ядуу болон ядуурлын ирмэгт байгаа их, дээд сургуулийн оюутнуудын орон сууцны зардлыг бууруулах зорилгоор орон сууцны тогтвортой байдлын тэтгэлэг шинээр бий болгосон бөгөөд энэ удаагийн дэмжлэгийн хэмжээг нэмэгдүүлснээр оюутнуудын өрхийн ачааллыг улам бүр хөнгөлнө гэж найдаж байна.

Энэ оны 2-р улирлын эхний шатны нэгдсэн тэтгэлгийн бүртгэлийн хугацаанд орон сууцны тогтвортой байдлын тэтгэлэг, улсын хөдөлмөрийн тэтгэлэг зэрэг олон тэтгэлэгт хамтран бүртгүүлэх боломжтой. Бүртгүүлэх боломжтой оюутнууд нь Сургуулиа үргэлжлүүлэн сурч буй оюутан, Сургуулиа завсарлаад эргэн орсон  оюутан, Шинээр элссэн оюутан, Сургуулиа өөр сургууль руу шилжиж орсон оюутан, Өмнө нь гарсан ч дахин элссэн оюутан, бүх их, дээд сургуулийн оюутнууд юм.

Ялангуяа сургуулиа үргэлжлүүлэн сурч буй оюутнууд заавал 1-р шатанд бүртгүүлэх ёстой тул хугацаа болон аргачлалаа шалгаж, энэ удаа заавал бүртгүүлээрэй.

Бүртгэл: Солонгосын Тэтгэлгийн Сангийн вэбсайт [www.kosaf.go.kr], Мобайл аппликейшн (한국장학재단)

ээр 24 цагийн турш бүртгүүлэх боломжтой. Гэвч бүртгэлийн сүүлийн өдөр болох 6-р сарын 23-нд оройн 6 цаг хүртэл л бүртгүүлж болно гэдгийг анхаараарай.

Нөгөөтэйгүүр, Үндэсний тэтгэлэгт хамрагдахтай холбоотой дэлгэрэнгүй зөвлөгөө хэрэгтэй бол, Утасны зөвлөгөө: 1599-2000. Орон нутгийн тэтгэлгийн төвүүд (Залуучуудын гарааны төв, бүс нутгийн төвүүд) дээр очсоноор нэг нэгэнд нь тохирсон зөвлөгөө авах боломжтой.

Иргэншилгүй цагаач гаралтай өсвөр насныханд тэтгэлэг өгдөггүй юм уу?

Улсын тэтгэлэг нь зөвхөн Солонгосын иргэншилтэй хүнд л олгогддог. Тиймээс олон соёлт гэр бүлийн хүүхэд, иргэншил авсан гэрлэлтээр ирсэн цагаач зэрэг хүмүүс энэ тэтгэлгийг авах боломжтой. Гэхдээ үнэхээр дэмжлэг хэрэгтэй байгаа цагаач гаралтай өсвөр насныханд тэтгэлэг олгодоггүй асуудал байгаа. Цөөнгүй тооны цагаач гаралтай өсвөр насныхан эцэг эхээсээ санхүүгийн тусламж авч чадахгүйгээс болж их сургуулийн төлбөрөө бүрдүүлэхэд бэрхшээлтэй байдаг.

Цагаач гаралтай өсвөр насныхан их сургууль төгсөөд ажил хөдөлмөр эрхэлж эхэлбэл эцэстээ Солонгосын нийгэмд хувь нэмэр оруулна гэдгийг бодолцож үзээд, эдгээр хүмүүст ч бас улсын тэтгэлэг олгох, эсвэл наад зах нь сургалтын төлбөрийн зээл авах боломжийг бий болгохоор тогтолцоог сайжруулах хэрэгтэй.

몽흐졸 기자. 경기외국인SNS기자단 (파파야스토리는 2025 경기외국인SNS기자단의 운영사입니다.)
네이버 블로그 https://blog.naver.com/ggforsns
페이스북 https://www.facebook.com/ggforsns
인스타그램 https://www.instagram.com/ggforsns/